Roeddem yn falch iawn bod ein prosiect 'Celf Gymunedol mewn Natur' wedi’i ddewis i gael cyllid gan raglen grant Tesco stronger Starts. Mae helpu i gynhyrchu darn o waith celf sy’n dathlu rhai o fywyd gwyllt mwyaf gwerthfawr y rhanbarth yn ffordd wych o ymgysylltu pobl ifanc â chadwraeth a’u grymuso i fod yn rhan o newidiadau cadarnhaol yn eu cymuned leol. Mae mwy a mwy o dystiolaeth o’r budd y mae treulio amser ym myd natur yn ei gael ar les.

Yn un o dri phrosiect ar y rhestr fer, bydd yn cael naill ai £500, £1,000 neu £1,500, yn dibynnu ar faint o bleidleisiau a gaiff gan siopwyr yn y Trallwng. Gall cwsmeriaid bleidleisio drwy osod unrhyw docynnau glas a gânt am brynu nwyddau yn y siop yn y bin tocynnau 'Celf Gymunedol mewn Natur' o flaen y siop. Bydd y pleidleisio ar agor tan 31Mawrth 2024.

Yna yng ngwanwyn 2024, bydd ein tîm Sgiliau Gwyllt Mannau Gwyllt yn chwilio am bobl ifanc 11-17 oed i weithio ar y murlun mewn cyfres o weithdai a fydd yn cael eu cynnal yn ystod yr haf. Bydd y rhai sy’n cymryd rhan yn y gweithdai yn cael eu gwahodd i siarad am natur a bywyd gwyllt, a pha effaith y mae’n ei gael ar eu lles, mewn lleoliad anffurfiol.

Bydd y gwaith celf mawr, yn yr awyr agored yn cael ei greu mewn arddull stryd, gan ddefnyddio paent chwistrellu, gan y cyfranogwyr ifanc dan arweiniad yr arlunydd lleol Valentine Kuhl. Gan ddarlunio rhywogaethau o arwyddocâd lleol, megis aderyn ysglyfaethus godidog y Gweilch a'r glöyn byw Brith Perlog sydd dan fygythiad cynyddol, y mae ardal Y Trallwng yn amddiffynfa iddo, bydd y murlun gorffenedig yn ddathliad o fywyd gwyllt, wrth daflu golau ar gyflwr ein natur a phwysigrwydd ei gadw.

Bydd y murlun yn annog pobl ifanc i ymddiddori mewn bywyd gwyllt a gadael eu hôl ar eu gwarchodfa natur leol, wrth greu dyluniad hardd y gall ymwelwyr ei fwynhau am flynyddoedd i ddod.

Mae Tesco Stronger Starts yn rhaglen grantiau newydd gwerth £5 miliwn, mewn partneriaeth â Groundwork UK, sydd wedi’i gynllunio i roi dechrau cryfach mewn bywyd i blant yn y DU.

Os hoffech gefnogi prosiect 'Celf Gymunedol mewn Natur' ‘Sgiliau Gwyllt Mannau Gwyllt’, gallwch bleidleisio drosom yn Archfarchnad Tesco ar Lôn y Felin, Y Trallwng. Pan fyddwch yn cael tocyn glas wrth y ddesg dalu, rhowch hwn yn y cynhwysydd priodol o flaen y siop cyn 31 Mawrth 2024.

· Neu, os ydych yn adnabod unigolyn ifanc 11-17 oed a hoffai fod yn rhan o greu’r murlun, e-bostiwch: ecotherapi@montwt.co.uk