Ynghylch

Y forgath frech siâp diemwnt yw un o'r rhywogaethau lleiaf o forgathod. Mae ganddi ddeiet amrywiol, ac mae’n bwyta cramenogion, pryfed genwair a physgod. Mae'r rhai ifanc yn byw mewn ardaloedd bas ger yr arfordir yn aml, sef meithrinfeydd, ond mae’r oedolion fel arfer i'w gweld ymhellach oddi ar y lan.

Mae’r forgath frech yn gallu atgynhyrchu'n gyflymach na rhai o'r morgathod eraill, gan ei gwneud yn llai agored i orbysgota.

Er ei bod yn cael ei galw'n gyffredin yn forgath frech, rhywogaeth o arwbysgod yw hon (ac mae’n cael ei galw weithiau yn arwbysgodyn brych). Mae perthynas agos rhwng morgathod a garwbysgod ac maen nhw’n edrych yn debyg, ond gallwch weld y gwahaniaeth drwy edrych ar y gynffon. Mae gan y garwbysgod gynffon fer gydag esgyll bach ac nid ydynt yn gallu brathu, ond mae gan y morgathod gynffon hir fel chwip.